Beynəlxalq Ana dili günü
21 Fevral 2018-ci il tarixində məktəbimizdə “Beynəlxalq Ana dili günü” adlı tədbir keçirildi.
Tədbirdə iştirak edən məktəbin tədris işləri üzrə direktor müavini Mahnur Cəfərova, tərbiyə işləri üzrə direktor müavini Sabir Şahhüseynov cıxış edərək bu günün Azərbaycan xalqının milli - mənəvi dəyərlərini qorumaqda nə qədər mühüm olduğundan danışdılar.
Məktəbin Azərbaycan dili və ədəbiyyat müəllimi Aynur Sadıqova çıxış edərək 21 Fevral – “ Beynəlxalq Ana Dili” gününün yaranma tarixi barədə məlumat verdi. İllər uzunu Azərbaycan dilinin tarixi inkişafından, babalarımızın bu dilə sahiblənmək, onu müxtəlif təzyiqlərə baxmayaraq qoruyaraq bugünkü nəslə, cəmiyyətə çatdırması haqqında söhbət açdı.
Doğma dilin müqəddəsliyini qorumağı, dilin milli - mənəvi dəyərlərimizin inkişaf etməsində, ictimaiyyətimizi səciyyələndirməsində əvəzsiz bir miras kimi qorumağı tövsiyə etdi.
Məktəbmizin şagirdləri şeirlər söylədilər, çıxışlarında dilimizin zənginliyi, qədimliyi barədə mühüm faktlar söylədilər.
IX sinif şagirdlərinin ifasında musiqi səsləndi. Sonda məktəbimizin şagirdləri qürurla Azərbaycan himnini oxuyaraq tədbiri yekunlaşdırdılar.
