15 Sentyabr "BİLİK GÜNÜ"
2017-2018-ci tədris ilində pedaqoji kollektiv Azərbaycan Respublikasının Təhsil Qanununu əsas götürərək məktəbin təhsil sahəsindəki inkişaf rolunu müəyyənləşdirmiş və qarşıya qoyulan vəzifələrin həyata keçirilməsi üçün bütün imkanlardan istifadə edəcəyi haqqında şagird və müəllimlərlə söhbət aparmışdır. 15 sentyabr “Bilik günü” tədbiri keçirildi. Tədbirdə pedaqoji kollektiv, məktəb şagirdləri, valideynlər, Ramana qəsəbə icra nümayəndəsi iştirak etdi. Tədbiri tərbiyə işləri üzrə direktor müavini Sabir Şahhüseynov açıq elan etdi. Azərbaycan Respublikasının Dövlət Himni oxundu. Məktəbin direktoru Vahid Muradov bu tədbirlə bağlı məktəbin uğurları və gələcək işləri barədə çıxış etdi. Tərbiyə işləri üzrə direktor müavini Sabir Şahhüseynov öz çıxışında Ulu öndər Heydər Əliyevin “Təhsil millətin gələcəyidir, milli inkişafımız, bu günümüz, gələcəyimiz təhsildən, elmdən asılıdır” dahi kəlamını yüksək qiymətləndirərək şagirdlərimizə elmin dərinliklərinə yiyələnməyi tövsiyə etdi. Məktəbin şagirdləri şeir söylədilər və tədbir yekunlaşdı.
