Xocalı Soyqırımını unutmadıq unutdurmarıq!!!
Məktəbimizin 7"A" sinfinin 26_02_2021-ci il tarixində Xocalı Soyqırımına keçirtdiyi online tədbiri.
Tədbirdə məktəbimizin direktoru Vahid müəllim, təlim tərbiyə işləri üzrə direktor müavini Mahnur müəllimə və tərbiyə işləri üzrə direktor müavini Jalə müəllimə iştirak etmişdirlər.
Əvvəlcə tədbiri açıq elan etmək üçün sinif rəhbəri Aygül müəllimə Azərbaycan Respublikasının Dövlət Himnini səsləndirir. Sonra Xocalı Şəhidlərinin ruhu bir dəqiqəlik sükutla yad edilir. Daha sonra şagirdlər Xocalı soyqırımı haqqında şeirlər söyləyir, hüzn xarakterli mahnı səsləndirirlər.
Sinif rəhbəri Aygül müəllimə Xocalı hadisələrinin hər saniyəsini lentə alıb dillərdə əbədi yaşayan milli qəhrəmanımız Çingiz Mustafayev haqqında məlumat verib və onun çəkdiyi video görüntüləri ekranda yerləşdirmişdir.
Direktor Vahid müəllim də öz növbəsində şagirdlərə bu qanlı tarixi gün barəsində məlumatlar ötürmüşdür.
Mahnur müəllimə eləcə də Jalə müəllimə şagirdlərə tariximizi yaxşı öyrənib ,gələcəkdə bir vətəndaş kimi bütün dünyaya bu tarixi unutdurmamağı tövsiyə etmişdirlər.
Sonda Aygül müəlliməyə və şagirdlərinə bu cür vətənpərvər mövzuda tədbir keçirdiklərinə görə minnətdarlıq bildirilib.
