Məmməd Cəfər Cəfərov 110
7 dekabr 2019 - cu il tarixində məktəbimizdə akademik Məmməd Cəfər Cəfərovun 110 illiyinə həsr edilmiş tədbir keçirildi. Tədbirdə məktəbin Azərbaycan dili və ədəbiyyat müəllimi Aynurə Sadıqova akademik Məmməd Cəfər Cəfərovun həyat və yaradıcılığı barədə çıxış etdi. Görkəmli ədəbiyyatşünasın ədəbiyyat tarixçiliyi elminin inkişafına verdiyi töhfələr haqqında geniş məlumat verdi .
Məktəbin təşkilatçısı Sabir Şahhüseynov çıxış edərək Azərbaycan Respublikası Prezidentinin 15 aprel 2019 - cu il tarixli „ Akademik Məmməd Cəfər Cəfərovun 110 illiyinin qeyd edilməsi haqqında ” sərəncamına əsasən çap olunan „ Akademik Məmməd Cəfər Cəfərov - ədəbiyyat nəzəriyyəçisi ” kitabının nəşr olunması barədə şagirdləri məlumatlandırdı. Məktəbin direktoru Vahid Muradov, direktor müavini Şəlalə Fətiyeva da görkəmli alim haqqında öz fikirlərini bölüşdülər.
Məktəbin şagirdləri akademikin kitabları haqqında təqdimatlarla çıxış etdilər, tənqidçi-ədəbiyyatşünasın yaradıcılıq yolu ilə bağlı maraqlı faktlar söylədilər. Məktəbin ədəbiyyat müəllimləri N.İsmayılova, Ü.Abbasova, G.Pirizadə alimin həyat və fəaliyyətindən söhbət açdılar.
