Son zəng
14 iyun bütün məktəblərdə olduğu kimi 295 nömrəli tam orta məktəbdə də məzunlar üçün son zəng çalındı. Tədbir himnin səsləndirilməsi ilə başlandı. Məktəbin direktoru, millət vəkili Dilarə Cəbrayılova çıxış edərək tədbiri açıq elan etdi. Tədbir 11-lərin hazırladıqları şeirlər, rəkslər və mahnılar ilə davam edirdi. İl ərzində məktəbdaxili tədbirlərdə fəallıq göstərən şagirdlərə diplomlar təqdim edildi. Nəhayət son zəng eşidildi. Hamının səbirsizliklə gözlədiyi bu zəng 11-ləri çox kövrəltdi. Üzlərində olan sevinc bir anda gözyaşları ilə əvəz olundu. Çox keçməz bu gözyaşları tələbəlik sorağını eşidib sevinc gözyaşlarına çevrilər. Elə bu ümidlə bütün məzunları ürəkdən təbrik edir, onlara uğur arzu edirik.
