Balaca fidanlarımız məktəbin bütün müəllimlərini öz çıxışları ilə təbrik etdilər.
Tədbiri giriş sözü ilə açan məktəb direktoru Dilarə Cəbrayılova müəllimləri peşə bayramları münasibətilə təbrik edərək, respublikada təhsilin inkişafı istiqamətində görülən işlərdən və müəllimlərin qazandığı uğurlardan danışıb. Qeyd edib ki, Azərbaycan Respublikasının Prezidenti cənab İlham Əliyevin, Birinci vitse-prezident Mehriban xanım Əliyevanın ölkəmizdə təhsil sisteminin maddi-texniki bazasının möhkəmləndirilməsinə göstərdikləri yüksək diqqət və qayğı təhsilə öz müsbət nəticələrini verir. Yeni təhsil müəssisələri inşa edilir, əsaslı təmir olunur və təhsil ocaqlarının maddi-texniki bazası yenilənərək informasiya-kommunikasiya texnologiyaları ilə təminatı yaxşılaşdırılır. Rayonumuzda yeni istifadəyə verilən təhsil ocaqları, inşa və əsaslı təmir olunan məktəb binaları təhsilin keyfiyyətinin yüksəlməsinə birbaşa təsir göstərən mühüm amillərdir.
Sonra tədbir “Müəllimlər günü"nə həsr olunmuş konsert proqramı ilə davam edib. Proqramda şagirdlərin hazırladıqları səhnəciklər, şeirlər və musiqi nümunələri təqdim edilib.
