"20 Yanvar Ümumxalq Hüzn Günüdür"
20 Yanvar Azərbaycan tarixində təkcə faciə deyil, Azərbaycanın istiqlal yolunun ilk zirvəsi, milli məfkurəmizin azadlıq istəyinin oyanış günüdür. Bu il də xalqımız 20 Yanvar hadisələrinin ildönümünü qeyd edir, igid övladlarının fədakarlığını məhəbbətlə xatırlayır, onların əziz xatirəsini böyük ehtiramla yad edir. Ümumxalq hüzn günü münasibəti ilə 295 nömrəli tam orta məktəbdə tədbir keçirildi.Tədbirdə şəhidlərin xatirəsi eyhamla yad edildi, bu günün mahiyyətindən, tariximizdə tutduğu şanlı səhifədən söhbət açıldı.Bakının ən möhtəşəm məkanında Vətən uğrunda canlarını qurban vermiş mərd, igid oğul və qızlarımızın uyuduğu Şəhidlər xiyabanı xalqımız üçün müqəddəs bir and yerinə, milli iradəmizin şanlı-şərəfli bir salnaməsinə çevrilmişdir. Şəhidlərimiz və Şəhidlər xiyabanı azadlığımızın, müstəqilliyimizin, milli iradəmizin simvolu kimi bundan sonrakı nəsillərə bir örnək və qürur mənbəyi olacaqdır.
