Şagirdlərimiz asudə vaxtlarını maraqlı keçirdirlər.
Uşaqların asudə vaxtlarının səmərəli təşkili olduqca vacib istiqamətlərdən biridir. İstirahətin və asudə vaxtın təşkili məktəblilərin istər fiziki, istərsə də psixi sağlamlığı nöqteyi - nəzərindən böyük məna kəsb edir. Ailə və məktəb uşaqların istirahət günləri və asudə vaxtlarının səmərəli təşkil olunmasına imkan daxilində şərait yaratmağa borcludur. Çünki uşaqların əxlaqi və estetik tərbiyəsinin inkişafında istirahətin özünəməxsus yeri var. İstirahət vaxtlarını həm əyləncəli , həm də öyrədici etmək lazımdır. Bu baxımdan dərslər arası tənəffüslərdə şagirdlərin müxtəlif oyunlar oynamasına şərait yaradılır.
