Texnologiya dərsində " salatın hazırlanması qaydası"
IV sinif şagirdləri illik planlaşdırmaya əsasən " salatın hazırlanması və süfrənin bəzədilməsi" mövzusunu praktik tətbiq elədilər.
Dekorasiya bayram yeməklərinin hazırlanmasında ən vacib və maraqlı mərhələlərdən biridir. Zərif salatlar və soyuq yeməklər ziyafət üçün lazımi əhval-ruhiyyə yaradır. Salatı bəzəmək üçün onun tərkib hissələri ilə eyni məhsullardan və ya onlarla birləşdiriləcək məhsullardan istifadə edilir.
Salatların bəzədilməsi, süfrəyə təqdim edilməsi hər bir insanın öz zövqünə uyğun olur. Burada bir az da fəlsəfi və yaradıcı yanaşma tələb olunur. Şagirdlərdə bu bacarığın formalaşdırılması kiçik yaşlardan başladılmalıdır. Praktik olaraq təşkil edilən bu dərslər şagirdlərdə bacarıqlar formalaşdırmaqla yanaşı, onlarda dərslərə maraq da oyadır.
