“Zəfərin mübarək, Azərbaycan!”
04.11.2021-ci il tarixdə Sabunçu rayonu, Nardaran qəsəbəsi, 295 nömrəli tam orta məktəbin təşkilatçılığı ilə məktəbin akt zalında “Zəfərin mübarək, Azərbaycan!” adlı tədbir keçirildi.
Tədbirdə Sabunçu Rayon İcra Hakimiyyətinin başçısının müavini Rəna Fərəcova, Sabunçu rayonu, Nardaran qəsəbəsi, 295 nömrəli tam orta məktəbin direktoru Dilarə Cəbrayılova, Azərbaycan Respublikası Müdafiə Nazirliyinin Qadınlar və hərbi qulluqçuların ailələri ilə iş üzrə şöbə rəisi Zümrüd Səmədova, Regional hüquqi və iqtisadi maarifləndirmə İctimai Birliyinin sədri Arzu Bağırova, Vətən müharibəsi şəhidi Əsgərli Tural Ələmdar oğlunun həyat yoldaşı Vüsalə Əsgərli, Sabunçu rayonu, Pirşağı qəsəbəsi, 36 saylı Şəhər Poliklinikasının baş həkimi Ramidə İbrahimova, məktəbin şagird və müəllim heyəti, məktəbin Vətən müharibəsində iştirak etmiş bir qrup məzunları və Nardaran qəsəbəsi üzrə şəhid ailələri iştirak edirdilər.
Azərbaycan Respublikasının Dövlət Himni səsləndirildikdən sonra tədbir iştirakçıları ölkəmizin azadlığı və ərazi bütövlüyü uğrunda qəhrəmancasına şəhid olan vətən övladlarının əziz xatirəsini bir dəqiqəlik sükutla yad etdilər.
Tədbir şagirdlərin ifasında ədəbi-bədii kompozisiya ilə davam etdi.
Tədbirin sonunda Sabunçu Rayon İcra Hakimiyyətinin başçısının müavini Rəna Fərəcova, Sabunçu rayonu, Nardaran qəsəbəsi, 295 nömrəli tam orta məktəbin direktoru Dilarə Cəbrayılova və Azərbaycan Respublikası Müdafiə Nazirliyinin Qadınlar və hərbi qulluqçuların ailələri ilə iş üzrə şöbə rəisi Zümrüd Səmədova çıxış edərək bildirdilər ki, ölkə rəhbəri, cənab Ali Baş Komandan İlham Əliyevin rəhbərliyi ilə zəfər yürüşünə çıxan, vətənimizi canı bahasına qoruyaraq uca zirvəyə yüksəldən, Azərbaycan xalqının qüruru, fəxri olan bütün şəhidlərimiz daim qəlblərdə yaşayacaq və onların xatirəsi hər zaman əziz tutulacaqdır.
