Həmrəylik Günü
Hər il olduğu kimi bu il də 295 nömrəli tam orta məktəbdə” Dünya Azərbaycanlılarının Həmrəyliyi Günü “ tədbiri təşkil edildi. Tədbirdə müəllimlərdən və şagirdlərdən ibarət məktəb kollektivi iştirak edirdi. Məktəbin direktoru D.M.Cəbrayılova çıxış edərək, Azərbaycanın dövlət müstəqilliyindən, bu yolda ümummilli lider H.Əliyevin gördüyü işlərdən danışdı. Tədbirdə məktəbin ingilis dili müəllimləri Məhərova Rəna, Sadıqova Sevda, Abdullayeva Gülmira yaxından iştirak edərək, müxtəlif dillərdə şeirlər, mahnılar, rəqslər və səhnəciklər hazırladılar. Aparıcılar Həmrəylik Gününün yaranması tarixi haqqında məlumat verdilər. Doğma yurdumuza aid şeirlər söyləyib, mahnılar ifa etdilər. Sonda bütün Azərbaycan xalqını “Dünya Azərbaycanlılarının Həmrəyliyi Günü ” münasibəti ilə ürəkdən təbrik edir, hamıya möhkəm, sağlıqlı il arzulayırıq.
