Aşıq Ələsgər irsinin təbliği
Tədbirlər Planına uyğun olaraq məktəb kitabxanasında “ Aşıq Ələsgər irsinin təbliği“ mövzusunda tədbir keçirildi. Tədbirdə Azərbaycan dili və ədəbiyyatı müəllimi S.Cəfərova və VIII sinif şagirdləri iştirak edirdilər. Müəllim şagirdlərə Azərbaycan xalq şeirinin ən böyük nümayəndələrindən olan ustad sənətkarın yaradıcılığı haqqında məlumat verdi. Kitabxanaçı Y.Baxşəliyeva Aşıq poeziyasını bol həyati müşahidələrlə zənginləşdirmiş, həm məzmun, həm forma rəngarəngliyi, həm də saf, duru xalq dilindən istifadə baxımından Aşıq Ələsgərin Azərbaycan, ümumən türk şeirinə misilsiz xidmətlər göstərməsini tədbir iştirakçılarının diqqətinə çatdırdı.Tədbirdə şagirdlərin ifasında ustad aşığın təcnis, qoşma və gəraylılarından seçmələr dinlənildi. Sonda aşıq sənətinin inkişafına mühüm töhfələr vermiş Aşıq Ələsgərin yaradıcılığı ilə dərindən taniş olmaq şagirdlərə tövsiyə olundu.