Nizami Gəncəvinin "Sirlər xəzinəsi" poeması
Azərbaycan Respublikasının Prezidenti cənab İlham Əliyevin Bakı Dövlət Universitetinin 100 illik yubileyi münasibətilə keçirilən mərasimdəki nitqindən irəli gələn vəzifələrin icrası ilə bağlı Bakı şəhəri S.Abdullayev adına 290 nömrəli tam orta məktəbin Tədbirlər Planına müvafiq olaraq fevralın 3-də "Mütaliəni vərdişə çevirək" başlığı altında məktəb kitabxanasında keçirilən silsilə tədbirlərin davamı olaraq yeni tədbir keçirildi.
Tədbir Nizami Gəncəvi yaradıcılığına həsr olunmuşdu. 5 “B” sinif şagirdlərinin iştirakı ilə hazırlanan tədbiri giriş sözü ilə kitabxanaçı Mönsümova Tahirə açdı. O, böyük mütəfəkkirin həyat və yaradıcılığı haqqında məlumat verdi. Azərbaycan dili və ədəbiyyat müəllimi Cəfərova Samirə əsərdə əməyə sevgi, qocaya ,zəhmətkeş insanlara hörmət hisslərinin aşılandığını vurğuladı.
Şagirdlər şairin ilk poeması “Sirlər xəzinəsi ” haqqında topladıqları maraqlı məlumatları tədbir iştirakçılarının diqqətinə çatdırdılar . “ Kərpickəsən kişinin hekayəti” ndən parçalar ifa etdilər. Qocanın cavanla qarşılaşması səhnəsi xüsusi maraqla qarşılandı.
Sonda Tahirə xanım şagirdlərə kitabxana ilə sıx əlaqə saxlamağı, böyük mütəfəkkirlərin əsərlərindən yararlanmağı, obrazların müsbət xüsusiyyətlərini özlərində formalaşdırmağı tövsiyə etdi.
