Əhməd Cavadın 130 illiyinə həsr olunmuş tədbir keçirildi
Oktyabrın 5-də Azərbaycan ədəbiyyatının görkəmli nümayəndəsi, böyük şair, tanınmış maarifçi və ictimai xadim Əhməd Cavadın anadan olmasının 130 illiyi münasibətilə tədbir keçirildi. Şagirdlər Azərbaycan poeziyasının mükəmməl ustadlarından olan Əhməd Cavadın həyat və yaradıcılığı haqqında məlumatlar verdilər. Qüdrətli və vətənpərvər şair Azərbaycanın Dövlət Himninin sözlərini yazaraq, həmçinin dövlət atributlarını vəsf və tərənnüm edərək dövlətçiliyə məhəbbət, eləcə də vətənə bağlılıq hisslərini təbliğ etdiyini bildirdilər. Daha sonra tədbir "Susmaram" adlı ədəbi-bədii kompozisiya ilə davam etdi.
