MİLLİ QƏHRƏMAN MÜBARİZ İBRAHİMOVUN DOĞUM GÜNÜ QEYD OLUNDU
Fevralın 7-də məktəbin təlim-tərbiyə işləri üzrə direktor müavini Tamilla Babaşovanın, riyaziyyat müəllimi Gözəl Əsgərovanın təşkilatçılığı ilə rəhbəri olduğu Milli Qəhrəman Mübariz İbrahimovun adına olan 6 “c” sinfində Milli Qəhrəmanın doğum günü qeyd olundu. Təşkil olunmuş tədbir Dövlət himninin səsləndirilməsi ilə başladı. Şagirdlər hazırladıqları təqdimatlarda Mübariz İbrahimovun həyatı, keçdiyi döyüş yolundan ətraflı məlumatlar verərək Qəhrəmana olan sonsuz sevgilərini nümayiş etdirmişlər. Şagirdlər Mübarizin şərəfli yolunun davamçıları olacaqlarına, onun adını daşıyan sinifə layiqli şagird və cəmiyyətə faydalı vətəndaş olacaqlarını bildirdilər. Mübariz İbrahimov heç bir zaman unudulmayacaq və ona olan dərin rəğbət heç bir zaman bitməyəcək, o hər zaman qəlblərdə yaşayacaqdır.
