"Gənclərin vətənpərvərlik ruhunda tərbiyə olunması" mövzusunda tədbir
Doğulub boya-başa çatdığın, suyunu içib, nemətini daddığın, acısı ilə kədərlənib, sevinci ilə qanadlanıb uçduğun, yaxşısı ilə öyünüb, pislərini özünə dərd etdiyin yurd -Vətəndir. Bu vətənin böyük, şərəfli bir adı var- Azərbaycan! Ümummilli lider Heydər Əliyev söyləmişdi ki, Milli dəyərlərimizi, adət-ənənələrimizi, tariximizi yaxşı bilməyən gənc vətənpərvər ola bilməz. Hər bir gənc vətənpərvər olmalıdır. Vətənpərvərlik böyük bir məfhumdur. Bu, sadəcə orduda xidmət etmək deyil. Vətənə sadiq olmaq, Vətəni sevmək, torpağa bağlı olmaq - budur vətənpərvərlik.
Bu gün Məktəbimizin psixoloqu Nurlanna Əhmədova 4"K" sinfində "Gənclərin vətənpərvərlik ruhunda tərbiyə olunması" mövzusunda tədbir keçirdi. Uşaqlara vətənimizin qəhrəmanlarından, ll Qarabağ müharibəsində canından keçmiş şəhidlərimizdən danışdı. Vətənimizin gözəlliklərindən söhbət açdı. Şagirdlər də öz növbəsində vətən haqqında şeirler söylədilər, təqdimatlar etdilər. Sonda isə vətənpərvərlik mövzusunda çəkdikləri şəkilləri nümayiş etdilər.
