Nümunəvi siniflərə şəhid adlarının verilməsi
Məktəblərdə nümunəvi siniflərə şəhid adlarının verilməsi ilə bağlı toplantı keçirildi. Məktəb rəhbərliyinin qərarı ilə 1"D" sinfinə şəhid Elzar Yusubovun, 3"Ə" sinfinə şəhid Həsən Rzazadənin, 4"B" sinfinə isə polkovnik-leytenant, aprel şəhidi Raquf Orucovun adı verildi. Döyüş yoldaşları qəhrəmanlar haqqında fikirlərini söylədilər. Şagirdlər şəhidlərin həyat və döyüş yolu haqqında məlumatı, onlara həsr olunmuş şeirləri təqdim etdilər. Onlar siniflərinə qəhrəmanların adlarının verilməsindən qürür duyduqlarını söylədilər və onların adına layiq olacaqlarına söz verdilər.
