Erkən nikaha yox deyirik!
Erkən nikaha yox deyirik!
24.05.2022-ci il tarixində məktəbimizdə “Erkən nikaha yox deyirik” mövzusunda tədbir keçirildi.Tədbirdə Suraxanı Rayon İcra Hakimiyyəti başçısının müavini, Suraxanı RİH yanında Yetkinlik yaşına çatmayanların işləri və hüquqlarının müdafiəsi üzrə komissiyanın sədri Könül xanım Axundova, komissiyanın üzvləri, Rayon Polis İdarəsinin İctimai Təhlükəsizlik şöbəsində Yetkinlik Yaşına Çatmayanlarla profilaktiki işin təşkili bölməsinin və YAP Suraxanı rayon təşkilatının nümayəndələri, qəsəbə inzibati ərazi dairəsi üzrə nümayəndələr və bələdiyyə sədrləri, təhsil müəsisəsinin rəhbərləri, şagirdlər və valideynlər iştirak etdilər.
Günümüzün ən aktual problemlərindən biri olan erkən nikahların doğurduğu fəsadlar, cəmiyyətimizə vurduğu ziyanlardan bəhs edilmiş, şagirdlərin təqdimatın bədii hissələr və videoçarxlar nümayiş olunmuşdur. Eyni zamanda şagirdlər arasında mövzu ilə bağlı aparılmış sorğu tədbir iştirakçılarının diqqətinə çatdırılmışdır.
Suraxanı Rayon İcra Hakimiyyəti başçısının müavini, Suraxanı RİH yanında Yetkinlik yaşına çatmayanların işləri və hüquqlarının müdafiəsi üzrə komissiyanın sədri Könül xanım Axundova çıxış edərək sağlam ailənin xalqımızın yüksək mənəvi dəyərlərinin qoruyucusu kimi milli inkişafımızda mühüm rol oynadığını, eləcə də erkən nikahın və ailədə zorakılığın qarşısının alınması üçün profilaktik tədbirlərin həyata keçirilməsinin mühüm əhəmiyyət kəsb etdiyini bildirmişdir.
Tədbirdə məktəbin direktoru Elnur Hüseynov Rayon Polis İdarəsinin İctimai Təhlükəsizlik şöbəsində Yetkinlik Yaşına Çatmayanlarla profilaktiki işin təşkili bölməsinin rəisi, polis polkovnik leytenantı Əfqan Ağayev, YAP Suraxanı rayon təşkilatının sədr müavini Salman Əbdülov, məktəbin psixoloq və həkimi çıxış edərək erkən nikahların məişət zorakılığından tutmuş, doğuş zamanı ana-uşaq ölümləri və fiziki-psixoloji çətinliklər kimi bir çox problemlərə yol açdığını bildirmiş, eyni zamanda Azərbaycan Respublikası Cinayət Məcəlləsinin müvafiq bəndinə uyğun olaraq cərimə və cəza tədbirlərinin nəzərdə tutulduğu diqqətə çatdırılmışdır.
