20 Yanvar faciəsinin otuzuncu ildönümü
Azərbaycan Respublikası Təhsil Nazirinin “20 Yanvar faciəsinin otuzuncu ildönümü ilə bağlı Təhsil Nazirliyinin Tədbirlər Planı”nın təsdiq edilməsi haqqında 29 dekabr 2019-cu il tarixli, F-771 nömrəli əmri rəhbərlik və icra üçün Bakı Şəhəri üzrə Təhsil İdarəsinin “20 Yanvar faciəsinin otuzuncu ildönümü ilə bağlı Tədbirlər Planı”na əsasən təhsil müəssisələrində 07-20 yanvar 2020-ci il tarixlərində Azərbaycanın azadlığı uğrunda mübarizədə həlak olmuş şəhidlərin xatirəsinə həsr olunmuş geniş tədbirlər həyata keçirilir.
Qeyd olunan tədbirlər planına əsasən 20 Yanvar faciəsinin otuzuncu ildönümü ilə bağlı akt zalında VII-IX sinif şagirdlərinin iştirakı ilə tədbir keçirildi. Əvvəlcə 20 Yanvar şəhidlərinin xatirəsi bir dəqiqəlik sükutla yad olundu. Məktəbin tarix müəllimi Könül Şirəliyeva tədbirdə geniş məruzə ilə çıxış edərək, 1990-cı il yanvarın 19-dan 20-nə keçən gecə sovet ordusunun Bakıda törətdiyi qanlı faciənin səbəbləri, bu hadisənin Azərbaycan tarixində yeri və nəticələri barədə ətraflı məlumat verdi.Tədbirdə 20 Yanvar faciəsinə həsr edilmiş şeirlər söylənildi. Şagirdlər dünyanın bu faciəyə verdiyi qiymətdən danışdı.
