"Xocalıya Qayıtmışıq"adlı ədəbi bədii kompazisiya
26.02.2024 cü ildə məktəbin ibtidai sinif müəllimi Bağırova Aynur tədris etdiyi 3ç sinfində məktəbin Fəaliyyət planına uyğun olaraq Xocalı faciəsi"nin otuz ikinci ildönümünə həsr olunan "Xocalıya qayıtmışıq" adlı ədəbi bədii kompozisiya təşkil edildi. Tədbirdə məktəb rəhbərliyi,müəllimlər,şagirdlər iştirak edirdi. Azərbaycanın Dövlət Himni səsləndirildikdən sonra faciə qurbanlarının əziz xatirəsi bir dəqiqəlik sükutla yad edildi. Daha sonra şagirdlər faciənin bütün dərinliklərini özündə əks etdirən şeirlər səsləndirdilər. Şagirdlərimiz səsləndirdikləri şeirləri yaşayaraq yaratdıqları səhnəcikləri tədbir iştirakçılarında dərin hisslər oyatdı. Tədbir gənc nəslə Azərbaycan tarixi haqqında həqiqətləri çatdırmaq, tarixi hadisələrə düzgün rəy vermək bacarığı formalaşdırmaq, onlarda vətənpərvərlik ruhunu yüksəltmək milli qürur, milli iftixar hissini aşılamaq məqsədilə keçirildi.
