Son zəng keçirildi
14 iyun 2021-ci il tarixində 264 nömrəli məktəb-liseydə “Son zəng” keçirildi. Tədbir Azərbaycan Respublikasının Dövlət Himni ilə başladı. Məktəbin direktoru Sevda xanım Qocayeva məzunları təbrik etdi və onlara uğurlar arzuladı. Sevda xanım buraxılış imtahanlarından yüksək nəticə toplayan məzunları Fəxri fərmanla təltif etdi. Daha sonra söz sinif rəhbərlərinə verildi. Müəllimlər məzunlara öz ürək sözlərini söylədilər. Məzunların hazırladıqları mahnı və rəqslərlə tədbir daha da rəngarəng keçdi.
11-ci sinif şagirdləri rəmzi "bilik açarı"nı 10-cu sinif şagirdlərinə təqdim etdilər.
Tədbirin sonunda “Son zəng” çalındı və səmaya sülh rəmzi olan ağ göyərçinlər buraxıldı.