- Xeyrulla Haqverdiyev Fizuli
- Vəzifə: Direktor
- Fənn: Azərbaycan dili, Ədəbiyyat
- Bitirdiyi təhsil müəssisəsi: Bakı Slavyan Universiteti
- Təvəllüd: 30.01.1988
- İlk fəaliyyət ili: 01.12.2021
- E-mail: [email protected]
Haqverdiyev Xeyrulla Fizuli oğlu 30 yanvar 1988-ci ildə Qərbi Azərbaycanın Vedi rayonunda anadan olmuşdur. 2009-cu ildə Bakı Slavyan Universitetinin Filologiya (Azərbaycan dili və ədəbiyyatı) fakültəsini başa vurmuşdur. Həmin il Təhsil Nazirliyi tərəfindən Astara rayon Şümrüd kəndinə Azərbaycan dili və ədəbiyyat müəllimi təyin olunmuşdur. 2012-ci ildə həmin məktəbdə fəaliyyətini başa vurmuş və Bakı Slavyan Universitetinin Magistratura şöbəsində ədəbiyyat nəzəriyyəsi ixtisası üzrə təhsilinə davam etmişdir. 2013-cü ildə MİQ müsabiqəsindən uğurla keçərək Hacıqabul rayonu Abdulabad kənd tam orta məktəbinə Azərbaycan dili və ədəbiyyat müəllimi təyin olunmuşdur. 2015-ci ildə BŞTİ-i tərəfindən təşkil edilmiş təlim-tərbiyə işləri üzrə direktor müavini və təşkilatçı vəzifələri üzrə müsabiqədən uğurla keçərək Xəzər rayonu Fuad Fərhadoğlu adına 230 nömrəli tam orta məktəbə tərbiyə işləri üzrə təşkilatçı vəzifəsinə təyin olunmuşdur. 2016-cı ildə Təhsil Nazirliyi və Qafqaz Universitetinin təşkil etdiyi "Potensial məktəb direktorlarının hazırlığı" kursunu uğurla başa vurmuşdur. 2019-cu ildə məktəbdənkənar və sinifdənxaric tərbiyə işləri üzrə təşkilatçı vəzifəsi üzrə Sabunçu rayonu 78 nömrəli tam orta məktəbdə fəaliyyətinə davam etmişdir. 2021-ci ildə BŞTİ-nin təşkil etdiyi təlim-tərbiyə işləri üzrə direktor müavinlərinin işə qəbulu müsabiqəsindən uğur qazanaraq Sabunçu rayonu 72 nömrəli məktəb-liseyə təlim-tərbiyə işləri üzrə direktor müavini təyin olunmuşdur. Həmin ilin dekabr ayında DİQ müsabiqəsində iştirak edərək Təhsil Nazirliyinin müvafiq əmri ilə Nizami Sərxanov adına 256 nömrəli tam orta məktəbə direktor təyin olunmuşdur. 2021-2022-ci tədris ilində Təhsildə Keyfiyyət Təminatı Agentliyində məktəb inspektoru kimi fəaliyyət göstərmişdir.