1 e sinif şagirdləri Şəhidlər Xiyabanını ziyarət etdilər.
Şəhidlər ölməz, unudulmaz! İllər keçsə də, gələcək nəsillər onları hər zaman böyük minnətdarlıq duyğusu ilə yad edəcəklər.Şəhidlərin davamçısı varsa, xatirələri hər yerdə anılırsa, deməli, onlar ölməyib, ürəklərdə daim yaşayırlar.Hər birimizin vətəndaşlıq borcudur ki, şəhidlikləri ilə bizə qələbə sevinci yaşadan bu oğullarımızı daim qəlbimizdə yaşadaq.Elə bu səbəbdəndə məktəbimizin
1e sinif rəhbəri Cavadova İradə öz şagirdləri ilə birgə 2-ci Şəhidlər Xiyabanını ziyarət ediblər.Şagirdlər Azərbaycanın azadlığı və ərazi bütövlüyü uğrunda canlarından keçən vətən oğullarının xatirəsinə şeirlər ifa ediblər.Vətən uğrunda şəhid olanların məzarlarına çiçəklər qoyulub, xatirələri ehtiramla yad edilib.İbtidai sinif müəllimi İradə Cavadova bildirib ki, tədbirin məqsədi məktəblilərə vətənpərvərlik hissini aşılamaqdır.
