Şagirdlərimiz elektron sınaq qiymətləndirmələrdə fəal iştirak edir
Pilot layihə çərçivəsində 15 ümumtəhsil məktəbinin IV və IX siniflərində elektron sınaq qiymətləndirmələri təşkil olunmuşdu. Layihə çərçivəsində tədris ilinin əvvəli və hər bir təhsil vahidinin sonunda müvafiq fənlərdən təşkil olunacaq elektron sınaq qiymətləndirmələr şagirdlərin qiymətləndirmələrdə iştirak təcrübəsini artıracaq, şəxsi nailiyyətlərini, inkişaf dinamikasını izləmək imkanı yaradacaqdır. Nəticədə şagirdlər tədris ilinin sonu təşkil olunacaq IX siniflər üzrə yekun buraxılış imtahanına hazırlıqlı olacaqlar. 240 saylı tam orta məktəbdə bu layihəyə daxil olan məktəblər sırasındadır. Məktəbimizin IV və IX sinif şagirdləri təşkil olunmuş elektron sınaq qiymətləndirmələrdə fəal iştirak edərək öz biliklərini yoxlayırlar.
