Gənc rəssam Nərminin şəkilləri maraq doğurdu
Məktəbimizin 8a sinif şagirdi Nərmin Abbasova məktəbin fəal, əlaçı, eyni zamanda çox intizamlı və nümunəvi şagirdlərindən biridir. O, rəsm sənətinin vurğunudur, gözəl rəsmləri ilə hamını valeh edir. Məktəbin foyesində Nərminin çəkdiyi rəsmlərdən ibarət sərgi təşkil olundu. Bu sərgi müəllimlərin və şagirdlərin böyük marağına səbəb oldu. Gənc rəssama bundan sonra da dərslərində və işlərində uğurlar arzulayır və ümid edirik ki, onun rəsmləri gələcəkdə ölkəmizin rəsm galereyalarinda nümayiş etdiriləcək.
