15 sentyabr "Bilik günü" qeyd olundu
Məktəbimizdə 15 sentyabr "Bilik günü" böyük təntənə ilə qeyd olundu. Tədbirdə məktəbin müəllim və şagird kollektivi, valideynlər və qonaqlar iştirak edirdi. Tədbiri məktəbin direktoru Esmira xanım Məmmədova açdı. O, tədbir iştirakçılarını salamlayaraq yeni dərs ilinin başlanması və "Bilik günü" münasibətilə şagirdləri və onların valideynlərini təbrik etdi, məktəb kollektivinin yeni tədris ilinə tam hazır olduğunu bildirdi. Esmira xanım yeni dərs ilində şagirdlərə uğurlar arzu etdi. Tədbir şagirdlərin maraqlı çıxışları ilə başa çatdı.
