"Mənim ailəm mənim qürur mənbəyimdir" adlı nümunəvi dərs keçirilib
Aprelin 10-da məktəbin rus dili və ədəbiyyatı müəllimi Leyla İmanovanın rəhbərliyi ilə 6 "Ə" sinfində ailə mövzusuna həsr olunmuş "Mənim ailəm mənim qürur mənbəyimdir" adlı nümunəvi dərs keçirilib.
Leyla İmanova şagirdlərə ailənin Azərbaycan cəmiyyətinin əsas sütunlarından biri, Azərbaycan ailə modelinin və onun dəyərlərinin nümunəvi olduğunu bildirib. O, gənc ailələrə dövlət tərəfindən göstərilən qayğını, onların sosial probleminin həlli istiqamətində aparılan islahatları xüsusilə vurğulayıb.
Şagirdlər hazırladıqları bir-birindən maraqlı ailə üzvlərindən ibarət əl işləri və rəsmləri təqdim edib.
