Şəhid məzunumuzun anadan olduğu gün qeyd olundu
Həyatda hər birimizin qürur duyduğu,müqəddəs sandığı bir neçə anlayış var. Torpağında ayaq açdığımız,çörəyini yeyib,suyunu içdiyimiz Vətən belə anlayışlardandır. Müasir tariximiz qəhrəmanlıq səhifələri ilə zəngindir.Tariximizin yaddaşlarda əsrlər boyu vərəqləyib oxuyacağı,öz igidləri ilə fəxr edəcəyi,qızıl hərflərlə yazılmış belə səhifələrdən biri də “44 günlük Vətən müharibəsi”dir.
II Qarabağ müharibəsində bu zirvəyə ucalan,adını heç zaman unudulmayacaq qəhrəmanlar sırasına yazan Nazim Nadir oğlu Kirxlarovdur.
Nazim Kirxlarov dekabrın 20 də Əmircan qəsəbəsində dünyaya gəlmişdir. Valideynləri Nadir ata və Sultan ana övladından danışarkən onun sakit təbiətli, heç bir zaman heç kimin xətrinə dəyməyən,lakin eyni zamanda olduqca cəsur və vətənpərvər olduğunu söyləyirlər. Nazim 2000-ci ildə orta təhsilini 226 nömrəli orta məktəbdə almağa başlayıb. Məktəbdə oxuduğu müddətdə Nazim sakit təbiəti, tərbiyəsi,mədəniyyəti ilə həm müəllimlərin,həm də sinif yoldaşlarının arasında böyük hörmət qazanmışdır.2009 cu ildə Nazim təhsilini Peşə liseyində kompyuter operatoru ixtisası üzrə davam etdirmişdir.”2012 ci ildə Peşə liseyini bitirdikdən sonra hərbi xidmətə yollanır.Hərbi xidməti başa vurduqdan sonra 2014 cü ildə Daxili Qoşunların müddətdən artıq xidmət edən hərbi qulluqçu heyətinə qoşulur. Nazim Vətən müharibəsinin ilk günlərindən ön sırada olub.Vətənin müdafiəsinə Cəbrayıldan başlayıb.
Bu gün 44 günlük Vətən müharibəsində torpaq, xalq uğrunda canını fəda etmiş şəhid məzunumuz N.Kirxlarovun cənnətdəki 30-cu iİdönümü münasibəti ilə məktəbin UBR Sahilə Həsənova və tarix müəllimi Aytən Əliyeva tədbir təşkil etdilər. Tədbirdə şəhidin hərbiçi yoldaşları, ailəsi və şəhid anaları iştirak edirdilər. Hərbiçi qonaqlarımız şəhidin hərb yolundan tədbir iştirakşılarına məlumatlar verdilər, onunla bağlı xatirələrini danışdılar.
Sonda məktəb rəhbərliyi və Nazim Kirxlarovun silah yoldaşları şəhidin məzarını ziyarət edərək əklil qoydular. Allah bütün şəhidlərimizə rəhmət etsin! Məqamları uca olsun!