Şəhid Mehdi Fərzullazadənin əziz xatirəsinə
Məktəbin IV a sinfinin Şəhid Mehdi Fərzullazadənin anım günü ilə bağlı tədbir keçirildi. Tədbirə Mehdi Fərzullazadənin anası Elvira ana və başqa şəhid anaları qonaq qismində dəvət olunmuşdu.
Ilk öncə Azərbaycan Respublikasının dövlət himni səsləndi. Daha sonra şəhidlərin ruhu 1 dəqiqlik sükutla yad edildi.
Məktəbin direktoru Arzu xanım Məmmədova tədbiri açıq elan edib, gələn qonaqları salamladı.
Tədbirdə şagirdlər çox fəal iştirak etdilər. Vətənə, şəhidlərə aid şeirlər və mahnılar səsləndirildi. Şagidlər tərəfindən göstərilən səhnəciklər hamının marağına səbəb oldu.
Sonda şəhid analarına söz verildi. Onlar da öz təəssüratlarını, övladları ilə bağlı xatirələrini tədbir iştirakçıları ilə bölüşdülər.