21 fevral–Beynəlxalq Ana Dili Günüdür
18 fevral 2019-cu il tarixdə Xətai rayonu 221 saylı məktəbdə Beynəlxalq Ana Dili Gününə həsr edilmiş tədbir keçirildi.Tədbiri məktəbin 7c sinif şagirdləri və dil-ədəbiyyat müəllimi Şəhla Dosiyeva hazırlamışdı.
Tədbirdə məktəb rəhbərliyi, sinif rəhbəri, fənn müəllimləri və valideynlər iştirak edirdilər. Tədbir Azərbaycan Respublikasının Dövlət himni ilə başladı. Sonra şagirdlər Beynəlxalq Ana Dili Gününün tarixi və əhəmiyyəti barədə məlumat verdilər. Ana dilimizə həsr olunmuş şeirlər səsləndirildi, səhnəciklər təqdim olundu. Şagirdlərin hazırladıqları musiqi nömrələri də tədbirə xüsusi gözəllik qatdı.
