Gənc kimyaçıların yaradıcılıq müsabiqəsi
Bakı Şəhəri üzrə Təhsil İdarəsinin əmrinə əsasən məktəbimizdə 14 fevral 2019-cu il tarixində “Gənc kimyaçıların yaradıcılıq müsabiqəsi” keçirildi. Müsabiqənin məqsədi şagirdlərin kimya fənninə olan marağının daha da artırılması, bu sahədə nəzəri-təcrübi biliklərin təkmilləşdirilməsi, şagirdlərin praktik və yaradıcılıq qabiliyyətlərinin inkişaf etdirilməsi və istedadlarının üzə çıxarılmasıdır.
Müsabiqənin I turunda məktəbimizdə IX, X, XI sinif şagirdlərindən ibarət 3 komanda iştirak etdi. Şagirdlər 2(iki) akademik saat ərzində ümumtəhsil və uşaq gənclər inkişaf mərkəzinin proqramına uyğun olaraq 30 sualdan ibarət testi və 2 məsələni yerinə yetirdilər.
Bu turda qalib gələn komanda II mərhələyə vəsiqə qazandı.
