XI SİNİF VALİDEYNLƏRİ İLƏ GÖRÜŞ
20 sentyabr tarixində 213 nömrəli məktəb-liseydə 11-ci sinif şagirdlərinin valideynləri ilə görüş keçirildi. Tədbirdə məktəb-liseyin direktoru Əliyeva Səbinə tədris ili boyunca şagirdlərin dərsə davamiyyəti, dərsə hazırlıqlarının daha da yüksəldilməsi, nizam-intizam qaydalarına tam riayət olunması haqqında ətraflı danışdı. Həmçinin məktəbin psixoloqu Vəliyeva Yeganə buraxılış imtahanına psixoloji cəhətdən hazır olmaq və valideynlərin bu cəhətdən övladlarına dəstək olması haqqında öz geniş məsləhətlərini verdi. Daha sonra sinif rəhbərləri valideynlərlə söhbət apardı. Valideynlər isə öz növbəsində danışılan fikirlərə münasibətlərini bildirdi.
