SAĞLAM GƏLƏCƏK ÜÇÜN ZƏRƏRLİ VƏRDİŞLƏRƏ YOX DEYƏK !
Şagirdləri zərərli vərdişlərdən qorunması , onlarla sağlam həyat tərzinin formalaşdırılması məqsədilə fevralın 4-də 8a və 8b sinif şagirdləri ilə seminar keçirildi.
Məktəb-liseyin psixoloqu Y. Vəliyeva bildirdi ki, şagirdlərin zərərli vərdişlərdən uzaq durmaları üçün daha çox məlumata malik olmalı və maariflənməlidirlər. Belə ki təcrübələr göstərir ki, az yaşlıların , xüsusən də yeniyetmələrin zərərli vərdişlərə yiyələnməsi onların məlumatsızlığından və maraqları üzündən baş verir. Bunun üçün şagirdlərdə şüurlu şəkildə həmyaşıdlarının təhrikedici təzyiqinə müqavimət göstərə bilmək qabiliyyəti inkişaf etdirilməli, yaşıdlarla ünsiyyət, problemin həll edilməsinə kömək etmək üçün müraciətlərin olunması çox vacibdir.
Sonra V.Vəliyeva sağlam həyat tərzinin formalaşdırılması bir sıra yol və vasitələrin olduğu haqqında geniş məlumat verdi. Mövzu haqqında şagirdlərə slaydlar və videolar nümayiş olundu.
Sonda şagirdlərin sualları ətraflı şəkildə cavablandırıldı.
