Payız-2019 şahmat turniri
26 noyabr 2019-cu il tarixində "Təhsil" Respublika İdman Mərkəzinin 3 nömrəli Respublika İxtisaslaşlaşdırılmış Olimpiya Ehtiyatları Uşaq-Gənclər İdman-Şahmat Məktəbi tərəfindən 210 №-li tam orta məktəbin könüllüləri arasında şahmat turniri təşkil olunub. "Payız - 2019" adlı bu turnirdə məktəbin ibtidai sinif şagirdləri həvəslə iştirak ediblər.
Yarışın fəal iştirakçılarına diplom təqdim olunub. Məktəbin direktoru Kəmalə xanım həmin şagirdlərə daha böyük uğurlar arzu edərək təbrik etdi. Şahmat turnirinin keçirilməsində əsas məqsəd şahmat biliklərinin artırılması, qaydaların mənimsənilməsi, könüllülərin komanda quruculuğunun daha da möhkəmləndirilməsidir.
