Gənc bioloqlar
210 №-li tam orta məktəbdə mayın 17-də IX - XI sinif şagirdləri arasında gənc bioloqların məktəbdaxili yarışması keçirildi. Məktəbdaxili yarışmada qalib gələn komanda II mərhələdə - rayon turunda iştirak etmək hüququ qazandı.
May ayı ərzində keçirələcək yaradıcılıq müsabiqəsində, yəni II mərhələdə hər rayon üzrə I yeri qazanmış komanda növbəti mərhələdə iştirak edəcək.
Bu cür müsabiqələrin keçirilməsində əsas məqsəd məktəblilərin biologiya fənninə olan marağının daha da artırılması, onların bu sahədə nəzəri və təcrübi biliklərinin təkmilləşdirilməsi, istedadlı şagirdlərin aşkara çıxarılmasından ibarətdir.
