Gənc fiziklər
210 №-li tam orta məktəbdə IX - XI sinif şagirdləri arasında gənc fiziklərin məktəbdaxili yarışması keçirildi. Məktəbdaxili yarışmada qalib gələn komanda II mərhələdə - rayon turunda iştirak etmək hüququ qazandı.
12 aprel tarixində keçirələcək yaradıcılıq müsabiqəsində, yəni II mərhələdə hər rayon üzrə I yeri qazanmış komanda növbəti mərhələdə iştirak edəcək.
Bu cür müsabiqələrin keçirilməsində əsas məqsəd məktəblilərin fizika fənninə olan marağının daha da artırılması, onların bu sahədə nəzəri və təcrübi biliklərinin təkmilləşdirilməsi, istedadlı şagirdlərin aşkara çıxarılmasından ibarətdir.
