Vətənin qəhrəman oğulları
Azərbaycan qəhrəmanlar yurdu, igidlər məskənidir. Vətənin müqəddəsliyi öz millətini, yurdunu, elini, obasını sevən hər bir insan üçün əsas amal və arzudur. Azad və müstəqil olmayan vətəndə azad vətəndaş ola bilməz. Vətən uğrunda canından keçən qəhrəmanlar heç vaxt unudulmur.
210 №-li tam orta məktəbin 5 "B" sinfinin şagirdləri "Vətənin qəhrəman oğulları" mövzusunda təqdimat hazırlayıb. Sinif rəhbəri Xəyalə Əfəndiyeva şagirdlərlə qədim və müasir Azərbaycan tarixinin qəhrəman övladlarının həyatından və mübarizə yolundan söhbət açıb, qəhrəmanlarımızı şərəf və qeyrət simvolu kimi xatırlamağı tövsiyə edib.
