Müsabiqənin birinci mərhələsinin nəticələri elan edilib
İyunun 4-də Bakı şəhəri üzrə ümumi təhsil məktəblərinin VI-VII sinif şagirdləri arasında keçirilən IV Respublika fənn müsabiqələrinin nəticəsi elan edilib.
Nəticələrə əsasən məktəbin VII sinif şagirdləri Aliyarov Murad Ramin oğlu, Moylayev Hüseyn Xosrov oğlu, Məmmədbəyli Zaur Nurəddin oğlu növbəti mərhələdə iştirak etmək hüququ qazanıblar.
Qeyd edək ki, müsabiqənin birinci mərhələsi paytaxt üzrə 9 mərkəzdə (26, 32, 114, 138, 139,189-190, 211, 271, 276 nömrəli tam orta məktəblər) keçirilmişdi. . Birinci mərhələdə yüksək nəticə göstərən şagirdlər növbəti turda seçdikləri fənn üzrə (fizika, kimya, biologiya, riyaziyyat və informatika fənlərindən) imtahan verəcəklər.
Qeyd edək ki, fənn müsabiqələrinin keçirilməsinin əsas məqsədi istedadlı uşaqların aşkar olunması, şagirdlər arasında sağlam rəqabət mühitinin yaradılması, aşağı sinif şagirdlərinin müxtəlif fənlərə olan marağının artırılması, onlarla məqsədyönlü işlərin aparılması və beynəlxalq olimpiadalara hazırlıq mərkəzlərinə namizəd şagirdlərin müəyyən edilməsindən ibarətdir.
