Məktəblilər növbəti ekskursiyada
Məktəblilərin asudə vaxtlarının səmərəli təşkil edilməsi onların bir şəxsiyyət kimi formalaşmasında, dünyagörüşlərinin genişlənməsində, sosial inkişaflarında əsas amil sayılır.
Məktəblilərin asudə vaxtlarının səmərəli təşkil edilməsinin müxtəlif yolları var. Mühüm istiqamətlərdən biri gəzintilərin təşkil edilməsidir. Asudə vaxtın təşkilində fəal istirahətin də rolu böyükdür. Maraqlı oyunlar, turizm səfərləri məktəbliləri çox sevindirir.
Məktəblilərin asudə vaxtlarının səmərəli və maraqlı təşkil edilməsində ekskursiyaların da rolu böyükdür. Həm ibtidai sinif şagirdlərinin həm də yuxarı sinif şagirdlərinin ekskursiyalara marağı yüksək olur.
Məktəbdə də məktəblilərin asudə vaxtlarını səmərəli və əyləncəli keçirilməsi məqsədi ilə maraqlı ekskursiyalar təşkil olunur. Növbəti ekskursiyada 2 "C" sinif şagirdləri iştirak edib. Şagirdlər əvvəcə "Yanardağ"da daha sonra "Atəşgah"da olublar. Şagirdlərə həmin ərazilər haqqında ətraflı məlumat verilib.
