206 №-li tam orta məktəb

• Cavid Cəfərzadə Əli
• Vəzifə: Direktor
• Fənn: Həyat bilgisi, İbtidai təhsil
• Bitirdiyi təhsil müəssisəsi: Azərbaycan Müəllimlər İnstitutu
• Təvəllüd: 27.05.1989
• İlk fəaliyyət ili: 11.11.2022
• E-mail: [email protected]

Cəfərzadə Cavid Əli oğlu 1989-cu ildə Bakı şəhərində anadan olub. 2007-ci ildə Azərbaycan Müəllimlər İnstitutuna daxil olub. 2014-cü ildə Maştağa qəsəbəsi 22 nömrəli tam orta məktəbə ibtidai sinif müəllimi təyin olunub. 2016-cı ildə Zığ qəsəbəsi 317 nömrəli tam orta məktəbə yerdəyişmə edib. 2019-cu ildən E.Cəfərov adına 118 nömrəli tam orta məktəbdə direktor müavini vəzifəsində çalışıb. Xəzər Universitetinin təşkil etdiyi “Potensial məktəb direktorları” layihəsinin iştirakçısı olub. “Zəfər tarixi” “İstedadlı şagirdlərə dəstək” qrand layihəsinin rəhbəri olmuşdur. “Muasir təhsil menecerliyi” kitabının müəllifidir. Muasirtehsil.az saytının rəhbəridir. Ailəlidir. 2 övladı var. 2022-ci ildə Bakı şəhəri H.İskəndərov adına 206 nömrəli tam orta məktəbə direktor vəzifəsinə təyin edilmişdir.

• Xanımqız Qəniyeva Süleyman
• Vəzifə: Təlim-tərbiyə işləri üzrə direktor müavini
• Fənn: Azərbaycan dili, Ədəbiyyat
• Bitirdiyi təhsil müəssisəsi: Bakı Dövlət Universiteti
• Təvəllüd: 02.10.1981
• İlk fəaliyyət ili: 01.09.2003
• E-mail: xanımqı[email protected]

Qəniyeva Xanımqız Süleyman qızı 1981-ci ildə oktyabrın 2-də Bakı şəhərində anadan olmuşdur. 1998-ci ildə Bakı Dövlət Universitetinin Filologiya fakültəsinə daxil olmuşdur. 2002-ci ildə həmin Universitetin Filologiya fakültəsini bitirmişdir. 2003-cü ildə Xəzər rayonu Ə.Əliyev adına 125 nömrəli tam orta məktəbə Azərbaycan dili və ədəbiyyat müəllimi kimi işə qəbul edilmişdir. 2006-cı ildə Bakı şəhəri H.İskəndərov adına 206 nömrəli tam orta məktəbdə Azərbaycan dili və ədəbiyyat müəllimi kimi pedaqoji fəalliyyətə başlamışdır. 2012-ci ildə Bakı Dövlət Universitetinin Ümumi dilçilik kafedrasının magistraturasına daxil olmuşdur. 2015-ci ildə həmin Universitetin magistraturasını fərqlənmə diplomu ilə bitirmişdir. 2017-ci ildə Xəzər Universitetinin "Potensial məktəb direktorları" kursunu bitirmişdir.

• Sücəddin Haqverdiyev Hacırəhim
• Vəzifə: Çağırışaqədərki hazırlıq rəhbəri
• Fənn: Fiziki tərbiyə, Gənclərin çağırışaqədərki hazırlığı
• Bitirdiyi təhsil müəssisəsi: Azərbaycan Dövlət Pedaqoji Universiteti
• Təvəllüd: 20.12.1960
• İlk fəaliyyət ili: 07.11.2016
• E-mail: [email protected]

Haqverdiyev Sücəddin Hacırəhim oğlu 1960-cı il dekabr ayının 20-də Gürcüstan Respublikasının Rustavi şəhərində anadan olmuşdur. 1978-ci ildə Bakı Dənizçilik məktəbinə daxil olmuş, 1979-cu ildə həmin məktəbi bitirmişdir. 1981- ci ildə Azərbaycan Dövlət Pedaqoji Universitetinin “Fiziki tərbiyə” fakültəsinə daxil olmuş, 1986-ci ildə ibtidai hərbi hazırlıq-bədən tərbiyəsi ixtisasına yiyələnmişdir. 1986-cı ildə Gürcüstanda Rustavi şəhərində pedaqoji fəaliyyətə başlamış, 1992-ci ildən Milli ordu sıralarında xidmət etmişdir. Bakı şəhəri 252 nömrəli tam orta məktəbdə Çağırışaqədərki hazırlıq rəhbəri vəzifəsində işləmişdir. 1992-1994-cü illərdə torpaqlarımız uğrunda erməni işğalçılarına qarşı döyüşlərdə iştirak etmiş və Qarabağ müharibəsi veteranı adına layiq görülmüşdür. 2000-ci ildə hərbi xidmətdən ehtiyata buraxıldıqdan sonra Bakı Neft Energetika Kollecində hərbi rəhbər vəzifəsində işləmişdir. 2015-ci ildən Bakı şəhəri H.İskəndərov adına 206 nömrəli tam orta məktəbdə Gənclərin Çağırışaqədərki hazırlıq rəhbəri kimi pedaqoji fəalliyyətə başlamışdır.

• Fatimə Qafarova Ehtibar
• Vəzifə: Uşaq birliyi rəhbəri
• Fənn: İbtidai təhsil
• Bitirdiyi təhsil müəssisəsi: Bakı Sənaye Pedaqoji Texnikumu
• Təvəllüd: 14.04.1986
• İlk fəaliyyət ili: 01.09.2004
• E-mail: [email protected]

Qafarova Fatimə Ehtibar qızı 1986-ci il aprel ayının 14-də Bakı şəhərində anadan olmuşdur. 2004-ci ildə Bakı Pedaqoji Sənaye Texnikumunun ibtidai sinif fakültəsinin qiyabi şöbəsinə daxil olmuşdur və 2008-ci ildə həmin Texnikumun ibtidai sinif müəllimliyini bitirmişdir. 2004-cü ildə 144 nömrəli körpələr evi və uşaq bağçasında tərbiyəçi vəzifəsində işləmişdir. 2009-cu ildə Bakı şəhəri H.İskəndərov adına 206 nömrəli tam orta məktəbdə Uşaq Birliyi Təşkilatı Rəhbəri vəzifəsinə təyin edilmişdir. 2012-ci ildə Respublika Uşaq Birliyi Təşkilatı Rəhbəri məktəbində təhsil almışdır. 2016-ci ildə oktyabr ayından 206 nömrəli tam orta məktəbin ərazi üzrə ilk partiya təşkilatının sədri və həmin ildən YAP Xəzər rayon Təşkilatının Gənclər birliyinin sədri, 2017-ci ildə YAP Xəzər Rayonunun Qadınlar Şurasının üzvü təyin olunmuşdur.