Xocalı soyqırımına həsr olunmuş sənədli film nümayiş olundu
Xocalı soyqırımına həsr olunmuş sənədli film nümayiş olundu
Xocalı soyqırımı faciəsinin 27-ci il dönümü çərçivəsində həyata keçirilən silsilə tədbirlərindən biri də məktəbin yuxarı sinif şagirdləri üçün Xocalı haqqında sənədli filmin nümayişi idi. 22.02.2019 tarixində məktəbin akt zalında Xocalı soyqırımına həsr olunmuş sənədli film nümayiş olundu. İlk öncə şagirdləri Xocalı soyqırımı haqqında məlumatlandırmaq üçün məktəbin tarix müəllimi Xurşud Əliyevaya söz verildi. Xurşud müəllimə Xocalı soyqırımının canlı şahidlərindən aldığı məlumatları şagirdlərlə bölüşdükdən sonra film nümayiş olundu. Filmdə Xocalı soyqırımının baş verməsi və bir gecənin içində günahsız insanların həyatlarının məhv olması əks olunurdu. Film şagirdlər tərəfindən böyük ürəkağrısı ilə izlənildi. Filmin şagirdlərə nümayiş etdirilməsində əsas məqsəd 1992-ci il fevralın 25-dən 26-na keçən gecə Ermənistan silahlı qüvvələri tərəfindən törədilmiş vəhşilikləri , Dağlıq Qarabağda baş verən hadisələrin dəhşətlərini göstərmək, Xocalı sakinlərinin qayğısız həyatının bir gecede darmadağın olmasını şagirdlərin nəzərinə çatdırmaqdan ibarət idi.Tədbirdə məktəblilər Xocalı faciəsində xalqımızın başına gətirilən dəhşətləri, dinc xalqa divan tutaraq misli görünməmiş vəhşilikləri törədən düşmənlərimizi heç zaman unutmamağa səslənilib.
