Bilik Günü
Bu gün məktəbimizdə “Bilik Günü “ münasibəti ilə tədbir keçirilmişdir.Tədbirdə məktəbin müəllim və şagird kollektivi ilə yanaşı, valideynlər, ötən ilin məzunları , Xəzər Rayon Qala Qəsəbə nümayəndəliyi iştirak etmişdir.
Məktəbin direktoru Esmira Rzaquliyeva hər kəsi salamlayaraq məktəbin ötən tədris ilindəki uğurlarından danışıb, təhsildə müvəfəqiyyət qazanan şagirdləri tərifnamə ilə mükafatlandıraraq, yeni tədris ilində hər kəsə uğurlar arzuladı.
Şagirdlərin hazırladıqları bədii kompozisiya, müasir və milli rəqslər tədbir iştirakçılarının alqışları ilə müşayiət olunub.Tədbir birincilərin hazırladıqları ifalarla və yeni tədris ilinin başlandığını bildirən ilk zənglə sonlandırılıb.
