Milli Qəhrəman Mübariz İbrahimovun xatirəsi anıldı
07 fevral 2018-ci il tarixdə məktəbin pedaqoji və şagird kollektivinin iştirakı ilə Milli Qəhraman Mübariz İbrahimovun anadan olmasının 30 illiyinə həsr edilmiş silsilə tədbirlərin yekunu olaraq “Şəhid olsam, ağlamayın” adlı tədbir keçirildi. Əvvəlcə Azərbaycan Respublikasının Dövlət Himni səsləndirildi. Məktəbin tərbiyə işləri üzrə direktor müavini H.Məmmədova və tarix müəllimi V.Hüseynov öz çıxışlarında Milli Qəhrəmanın həyatından və torpaqlarımızın müdafiəsi zamanı göstərdiyi şücaətdən danışdılar, sonda şagirdlər tərəfindən hazırlanmış ədəbi bədii kompazisiyalar nümayiş olundu, qəhrəmana həsr olunmuş şerlər səsləndirildi,video-çarx göstərildi. Tədbirdən sonra məktəbin 6d sinif şagirdləri,sinif rəhbəri və valideyn komitəsinin nümayəndələri Milli Qəhrəman Mübariz İbrahimovun II Fəxri Xiyabanda yerləşən məzarını ziyarət etdilər.