Heydər Əliyev Mərkəzinə ekskursiya
Fevralın 19-da məktəbin nümunəvi şagirdlərinin Heydər Əliyev Mərkəzinə ekskursiyası təşkil olundu. Şagirdlərə dünya memarlığının nadir incilərindən sayılan Heydər Əliyev Mərkəzi haqqında məlumat verildi. Qeyd olundu ki, Mərkəzin fəaliyyəti Azərbaycan xalqının ümummilli lideri Heydər Əliyevin dövlətçilik fəlsəfəsinin, Azərbaycançılıq ideologiyasının, Ulu Öndərin zəngin siyasi irsinin dərindən öyrənilməsinə və tədqiqinə yönəlmişdir. Mərkəzdə şagirdlər Ulu Öndərin həyat və fəaliyyətini əks etdirən rəngarang eksponatlarla tanış oldular. Eyni zamanda sərgidə Azərbaycanın tarix və mədəniyyətinə, tükənməz təbii sərvətlərinə, mədəni irsinə aid nadir nümunələrlə tanış oldular. Şagirdlərin Heydər Əliyev Mərkəzinə ekskursiyası onlarda unudulmaz təəssürat yaratdı.
