Seyid Cəfər Pişəvəri və "21 Azər" hərəkatı
Seyid Cəfər Pişəvəri- O, böyük inqilabçı, ictimai dövlət xadimi, yüksək səviyyəli publisist və jurnalist olub. Bu gün 6B sinfində baş tutan nümunəvi dərs məhz bu dahi şəxsiyyətin fəaliyyətinin tariximizdəki silinməz izlərindən bəhs edirdi. Nümunəvi dərsin məqsədi Cənubi Azərbaycanda 1941-1945- ci illərdə baş verən milli azadlıq hərəkatı, milli hökumət və bu hökumətin Cənubi Azərbaycan tarixində yeri haqqında şagirdlərdə məlumat yaratmaq idi. Şagirdlər müəllimin köməyi ilə S.C.Pişəvəri və "21 Azər" hərəkatı haqqında geniş bilgi əldə etdilər. Milli hökumətin azərbaycançılıq ideologiyası uğrunda apardığı bir çox mütərəqqi islahatlarla və "21 Azər" hərəkatının faciəli sonluğu ilə tanış oldular.
