Yay məktəbində keçirilən bir gün
Tika – Türk İşbirliyi və Koordinasiya Ajans Bakanlığı və Pətək – Yeni Nəslin Mənəvi Tərbiyəsi İctimai Birliyinin birgə səyi ilə Bakı məktəbləri arasında “Davranışın həyatımıza təsiri” lahiyəsi çərçivəsində qalib komandalar bir günlük yay məktəblərinə cəlb olundular. Məktəbimizin fəal şagirdləri 26 iyun 2018-ci il tarixində Tikanın sponsorluğu, maliyyə dəstəyi ilə “Pətək” İctimai Birliyin iştirakı ilə yay məktəbinə yollandılar. Qusar rayonuna edilən bu gəzinti çox rəngarəng və cəlbedici xarakter daşıyırdı. Şagirdlərimizin viktorinalarda, tamaşa müsabiqəsində, əyləncəli diskurssiyalarda və idman oyunlarında fəal iştirakı diqqətdən yayınmadı. Sonda şagirdlər hədiyyələrlə mükafatlandırıldılar. Bu gün onların yaddaşında xoş xatirələrlə xatırlanacaq günlərdən birinə çevrildi.