172 №-Lİ TAM ORTA MƏKTƏB

"Dahi Azərbaycan şairi Məhəmməd Füzulinin 530 illiyinin qeyd edilməsi haqqında" Azərbaycan Respublikası Prezidentinin Sərəncamının icrası ilə əlaqədar cari ilin aprel ayı ərzində “Məktəblərdə Məhəmməd Füzuli ayı” layihəsinin icrasına uyğun tədbirlər keçirilir.Bu gün 19 aprel 2024-cü ildə məktəbdənkənar və sinifdənxaric tərbiyə işləri üzrə təşkilatçı Vüsalə Kazımova və Azərbaycan dili və ədəbiyyat müəllimi Kəmalə Məhərrəmova tərəfindən 10 cu sinif şagirdləri ilə "Dahi Azərbaycan şairi Məhəmməd Füzulinin 530 illiyi"nə həsr olunmuş dəyirmi masa keçirildi.Kəmalə Məhərrəmova şairin həyat və yaradıcılığından bəhs edərək çıxış etdi.Şagirdlər şairin yaradıcılığına dair hazırladıqları çıxışları təqdim etdilər Sonda dahi şairdən bəhs edən videçarx izlənildi.

Bu gün 19 aprel 2024-cü ildə məktəbin 10p peşə təmayüllü sinifinin rəhbəri Nübar Qədirovanın təşkilatçılığı ilə 10p sinif şagirdləri müxtəlif peşə sahələri haqqında məlumatlı olması məqsədilə Sənaye və İnnovasiyalar üzrə Bakı Dövlət Peşə Təhsil Mərkəzində ekskursiyada oldular .

18.04.2024 cu il tarixində məktəb psixoloqu Səriyyə Cəfərovanın təşkilatçılığı ilə məktəbimizdə 7-10cu sinif şagirdləri ilə birgə "Narkomaniyaya yox deyək" adlı tədbir həyata keçirildi. Tədbirdə Bakı Şəhər Baş Polis İdarəsinin İctimai Təhlükəsizlik İdarəsinin Baş inspektoru, polis polkovnik-leytenantı Kəmalə Ələkbərova, Suraxanı Rayon Polis İdarəsi Yetkinlik Yaşına Çatmayanlarla profilaktiki işin təşkili bölməsinin rəisi, polis polkovnik-leytenantı Əfqan Ağayev və inspektoru polis kapitanı İlahə Balayeva iştirak edirdi.

Tədbir Azərbaycan Dövlət Himni ilə başladı. İlk öncə məktəbin I A sinif şagirdləri "Uşaqlara gülmək yaraşır" adlı mahnı ifa etdilər. Daha sonra, məktəb direktoru Vəfa Bağırova qonaqları salamlayaraq, əsrin bəlası olan Narkomaniyanın insan həyatına vurduğu zərərlər haqqında çıxış etdi. Qonaqlar mövzu ilə əlaqədar hüquqi aspektdən çıxışlar etdilər, uşaqların suallarını cavablandırdılar. Məktəb psixoloqu şagirdlərə zərərli vərdişlərdən uzaq durmaq üçün səmərəli vaxtlarını düzgün keçirməyin, düzğün fəaliyyətə yönəlməyin vacibliyi haqqında geniş məlumatlar verdi. 8 ci sinif şagirdləri mövzu ilə əlaqədar şeir və rəsm təqdim etdilər.

Bu gün 16 aprel 2024-cü ildə Azərbaycan Respublikasında 2024- cü ilin "Yaşıl dünya naminə həmrəylik ili" elan edilməsi ilə bağlı məktəbin biologiya müəllimləri Müjgan İbrahimova və Aygün Əhmədovanın təşkilatçılığı ilə müəllim-şagird və məktəblilərarası əməkdaşlığın inkişafı, şagirdlərin ekoloji maarifləndirilməsi, ətraf mühitin və ekologiyanın mühafizəsi, təbii sərvətlərin qorunması və onlardan səmərəli istifadə edilməsi məqsədilə şagirdlər tərəfindən canlı guşə yaradıldı.

13.03.2024-cü il tarixində S.S.Axundov adına 172 nömrəli tam orta məktəbdə kitabxana müdiri Çinarə Hüseynova və Uşaq Birliyi Rəhbəri Aysel Abbasovanın təşkilatçılığı ilə ibtidai sinif şagirdlərimiz üçün “Nağıllardan çələng hörək” adı altında nağıl saatı keçirildi. Nağıl saatının qonağı qismində Şəbnəm Həsənəlizadə iştirak edirdi.

“Nağıllardan çələng hörək” adlı nağıl saatını keçirməkdə məqsədimiz şagirdlərimizin bir neçə dəqiqəlik də olsa ətraf aləmdən ayrılıb nağıl qəhrəmanlarının dünyasına səyahət etdirməkdir. İbtidai sinif uşaqları üçün belə tədbirlərin keçirilməsi onların kitabxanaya, kitaba marağını artırır və gələcəkdə kitab oxumaları üçün sağlam təməl yaradır.