Hörmət nədir?
21 noyabr 2018-ci ildə Zaur Məmmədov adına 171 nömrəli tam orta məktəbin 5b sinfində "Hörmət nədir?" mövzusunda psixoloji söhbət aparıldı. Psixoloji söhbət məktəbin psixoloqu Günay Aslanova tərəfindən aparıldı. Hörmət kimlərə, nəyə olunmalıdır? Hörmət yoxsa sevgi? Birinci hansı olmalıdır? Fikirlərə necə hörmət etməliyik? Kiçiklərə qayğı, yoxsa hörmət etməliyik? İrqlərə, xalqlara, inanclara hörmət nə deməkdir? Sinifdaxili söhbət zamanı şagirdlərimizlə əsasən yuxarıda qeyd olunmuş başlıqlar ətrafında qarşılıqlı sual-cavablara yer verildi. Ailəyə, duyğulara, fikirlərə, sinfə, insanlara, canlılara, daun və autizm sindromlu uşaqlara sevgi hörmətdən yaranır fikrini şagirdlərimizlə bölüşdük.
