Ulu öndər Heydər Əliyevin xatirəsinə həsr olunmuş tədbir
Saleh Poladi adına 159 nömrəli tam orta məktəbin müəllim və şagird kollektivi Ulu öndər Heydər Əliyevin xatirəsinə həsr olunmuş bir sıra tədbirlər keçirmişlər.
Məktəbdə “Günəş kimi parlayan ömür” adlı rəsm sərgisi təşkil olunmuşdur.
X-XI siniflərdə “Mənəviyyatlı şəxs kimdir” mövzusunda inşa yazılmışdır. Bütün siniflərdə Ulu öndər Heydər Əliyevin xatirəsinə həsr olunmuş təşkilat saatları və sinif divar qəzetləri təşkil olunmuşdur. Yekunda Ulu öndər Heydər Əliyevin anım gününə həsr olunmuş tədbir keçirildi. Tədbirdə Heydər Əliyevin həyat və yaradıcılığına həsr edilən video film nümayiş olundu, şagirdlər Ulu öndərə həsr olunan şeirlər söylədilər. Məktəbin tarix müəllimləri Azərbaycan dövlətinin memarı, qurucusu, dahi şəxsiyyət Ulu öndər Heydər Əliyev haqqında geniş məruzələrlə, təqdimatlarla çıxış etmişdilər. Sonda ibtidai sinif şagirdləri “Heydər babamız” mahnısı ilə tədbiri bitirdilər.