Anım Günü ilə bağlı tədbirlər keçirilmişdir
Məktəbdə Anım gününə həsr olunmuş bir sıra tədbirlər keçirilmişdir.
Bütün siniflərdə 1-ci dərs saatları "Şəhidlər ölməz, bir ömür boyu sizə borcluyuq" mövzusuna həsr olunmuşdur. Hər bir sinifdə Şəhidlərimiz 1 dəqiqəlik sükutla yad edilmişdir. Məktəbin həyətində şagirdlər Şəhidlərimizin sayı qədər pankartlar ucaldıb, səmaya şarlar buraxmışdılar.
Məktəbin Şəhid məzunu olan - Xüsusi təyinatlı Kapitan Mustafayev Nurlan Hamlet oğlu və Ramazanlı İlqar Etibar oğlunun adı siniflərə verilmişdir. Həmçinin şagirdlər guşənin qarşısına əkillər qoymuşdular.
Həmçinin məktəbin müəllim, valideyn və şagird kollektivi Fəxri Xiyabanı ziyarət etmişdilər.
